E faitau selau faasea ua oo ane I le ofisa o le Internal Affairs poo mataupu faa lotoifale I Te Tari Taiwhenuae faatatau I ni faiga taufaasese ua lafo atu ai ni feau poo messages I tagata e faaatatau I totogi o tiute , customs charges.

Ole faiga taufaasese aupito I lata mai o loo faaaoga atu ai le United Parcel Service mae faapea le message sa taumafai e kiliva atu lau afifi ae o loo iai totogi o tiute e fia totogiina.

O loo iai foi ma se link e faasino oe iai e tuuina ai ou faamaumauga I tulaga tau tupe. Ma o i e mafai ai ona o latou mauaina ou faamaumauga. E tali tutusa lava foi ma isi faiga taufaasese e faaaoga ai le Lotto.

Fai mai le Internal Affairs ise pepa o faamatalaga afai e faapea le tulaga o loo aafia ai oe e ao ona vave logo loa lau faletupe mo le malupuipuia o lau seleni ma logo vave loa se ofisa o leoleo,

E mafai foi ona e text ile 7726 e aunoa ma se totogi ona fesootai ane lea o se tasi ole ofisa e faia se lipoti o lea mataupu, O le vaiaso nei o loo faalauiloa ai aafiaga o faiga taufaasese ma o loo iai polokalame faatulaga mo le faalauiloaina atili o auala e mafai ona puipuia mai ai oe ma lou aiga ma ia tulaga.