Brian Tamaki

Teena le tatala i tua o Tamaki, nofo pea i Mt Eden

Teena le talosaga a Brian Tamaki e toe tatala ai I tua, ma o lea ua taofia I le toese I Mt Eden I Aukilani mo le 10 aso

O le Aso Tofi o le vaiaso fou e toe tulai ai I luma o le faamasinoga ma o le iuga lea mai le faamasinoga faaitumalo I Aukilani ananafi e taofia ai pea I lalo o tuutuuga I Mt Eden

O Tamaki e lima moliaga o loo molia ai I le le usitaia o tapu o le Koviti ma na toe pu’e mai ai e leoleo I le taeao ananafi mai lona fale ona o tuuaiga o lea sa toe lauga I le solo tetee na faia I Kalaiesetete I le masina nei, peitai e le o faatagaina I lalo o tuutuuga sa tatala ai I tua

Ao taofia ai la Tamaki I le toese, mai lana loia e le o suia ai le talitonuga o le alii faifeau e ala lea i le saolotoga e tatau ona faaleo ai lagona o le tagata, ma ua tapena foi e tali I moliaga ua toe taofia ai nei

Mai le alii faamasino ananafi, pau le faamatalaga na mafai ona tuuina mai ananafi o le iuga ua taofia ai ma e le I tali Tamaki ao tuuina mai ai lea faaiuga ananafi

O le tulai o Tamaki I luma o le faamasinoga, o le faafa ai lea talu mai Oketopa o le tausaga talu ai

Scroll to Top

Keep uptodate with Radio Samoa activity & promotion

* indicates required