O le aso ananafi sa ta’ua ai e le sui sooupu o tupe a le pati a le Labour, Barbara Edmonds, le faaono iai o se siitaga o nei tupe faalafoga i le tala faatatau o le tupe a le faigamalo i le masina nei.
O lea manatu o Edmonds, ina ua faaalia e le Minisita a le National, Tama Potaka, i le vaiaso ua mavae, o loo taulai le malo i ana aiaiga faatino mo le faaitiitia o aitalafu i le tala faatatau o le tupe.
Ma le matafaiofi a le malo e faatino ina ia mautinoa e lē toe tele atu tupe e faaalu nai lo tupe maua, ma fesiligia ai e Edmonds, pe o lona uiga, o le a siitia ai le GST e kava ai tupe tipi faalafoga sa polomisi ai le faigamalo.
Ae sa faaalia e Willis i le polokalame a le AM, e na te teena atoatoa se siitaga o le GST.
Ma ia ta’ua ai, sa ia faalogo ia Edmonds i luga o le polokalame o ia faaali ni mafaufauga e uiga i lea mataupu, ma lona malamalama o iai i nisi o aiaiga faatino sa faamatuuina a isi pati, e ao ai ona mautinoa le sa’o ae e lei faia se folafolaga.
Faaalia e Willis o tuuaiga a Edmonds e matuai leai ma se faavae.
