O loo teena e le alii faipule o Salega numera tasi le sa avea ma Minisita Lagolago o le Matgaluega o Leoleo Afioga Fepulea’i Faimata Su’a ona moliaga e pei ona molia ai i le vaiaso ua mavae atu.
O se polokalame a le TVEFKS na tuuina mai ai le saunoaga a le alii faipule o se faamaualaloga i lona itumalo ma se faalototele e tusa ai o le mea ua tupu, ae sa ia faapea mai o loo ia teena uma moliaga a leoleo ua molia ai o ia.
O loo molia Fepuleai i moliaga o le taupulepule ma taumafai e mimilo mau ma na ia faailoa foi o le aveesea o lona tofi Minisita lagolago o loo tālia ai nei se fono a le Vaega Faaupufai ma le Tamaitai Palemia i lea mataupu.
O le aso 27 o le masina nei o le a tulai ai le alii faipuile i le Faamasinoga e tali i moliaga e pei ona faatulai atu e leoleo faasaga ia te ia.
