O le tina lea sa ia tatui se’i tulou lana paaga i le faletaele, ua tautino nei i le fasioti tagata ma o loo taofia pea le faailoaina o lona igoa i le taimi nei.

E 61 tausaga o lea tina na tulai i le faamasinoga i le audiovisual link i le asō i Dunedin ma ioe ai i le fasiotia o Mark Henry Wills 58 tausaga.

Na ave e leoleo ina ua maua lipoti o le tagata na maliu mai lona fale i le faaitu o Tainui i Dunedin i le aso 18 o Me.

O faamatalaga ua maua mai le Stuff ua faailoa ai na amata masani ma lē ua maliu i luga o upega tafailagi i le ono tausaga talu ai ma me’i ane ai le tamaitai i Ueligitone e aumau ai ma lē ua maliu.

Mulimuli ane toe agai i Dunedin faatau ai le la fale e tolu potumoe i Tainui.

Ta’ua i le lipoti sa iai se faaletonu i le tulaga o le soifua maloloina o le mafaufau i nai masina talu ai a o lei tupu le faalavelave ma sa ave foi ona livi ma’i mai galuega.

Fai mai i le aso na tupu ai le faalavelave sa manava ane Willis poo le ‘afa o le 4 i le afiafi ma o i na faaoolima ai iai le tina ua molia a o faamālū lē ua maliu.

O loo faamatala i le lipoti sa ia logo lana fanau i le facebook e alofa ia i latou ma faamalie ai i le mea ua tupu.

Na ia transfer foi le 45 afe i le tusitupe a se tasi o lana fanau ma vili ai loa leoleo ma faamatala iai le mea ua tupu.