O le tausaga fou lea o loo vaavaai iai le malo ia oo atu iai ua amata toe faatau ola i atunuu i fafo manu papalagi.

O se tasi o mataupu e lē o lagolagoina e nisi o failafumanu ona o le popolega i le taimi e auina atu ai i vaa i lalo aemaise o le faaleagaina ai o le igoa o Niu Sila.

Ae mai le Federated Farmers o loo ia lagolagoina le manaoga o le malo e toe faataga, e ui o le silia ma le 34,000 o tagata Niu Sila ua mae’a sainia le tetee e faatumau ai pea le sa o loo iai i le taimi nei.

Peitai mai le minisita lagolago o faatoaga o ia foi o se failafumanu, Andrew Hoggard, o loo ia matuai lagolagoina le manaoga o le malo e toe faataga ai aemaise lava i lenei taimi mo le au failafumanu o loo faigata le maketi e lē gata i mamoe a o manu papalagi.

O lea o loo talia fautuaga a le matagaluega o primary industries e tuuina atu i le minisita lagolago a o lei folasia i luma o le Kapeneta auā teuteuga o le Tulafono.

E leai se taimi mautinoa e tusa ma saunoaga a le minisita lagolago ua faailoa pau o lea o le tausaga fou lea o loo tilotilo iai e pasia ai le tulafono.

E ese mai i suiga faaletulafono, o le amataga o le tausaga na fai mai ai le Livestock Export a Niu Sila e tusa ma le $1 miliona e moomia e toe tatala ai le sā o loo iai nei mo fefaatauaiga nei.

Puna o Faamatalaga: https://www.rnz.co.nz/news/political/515713/live-cattle-exports-help-farmers-diversify-income-associate-agriculture-minister