Ua lua aso o faagasolo toleniga a le tatou aulakapi tele o le Manu Samoa i totonu o Iapani, mo le isi laasaga o sosoo ai nei o le taamilosaga lakapi o le Ipu o le Pasefika.
O le Aso Sa a sau nei i le 7 i le afiafi taimi i Samoa, o le a taaalo ai ma le ‘au malosi a Iapani o loo i le Tier One, ma o le taaloga lea o semi finals ma o le a iloa ai poo ai e maua lona avanoa i le sailiga o le siamupini.
O le ‘au a Fiti o le a taaalo ma Amerika i semi finals lava, ma o le a iloa ai poo ai o se ‘au e manumalo mai lea taaloga o le a sao atu i le sailiga siamupini.
O le ‘au a Tonga ma Kanata o le a taaalo e saili le tulaga 5 ma le tulaga 6 o le taamilosaga o le Ipu o le Pasefika.
Faaalia e le ta’ita’i malaga le susuga Su’a Hesed Ieremia o loo iai njsi o le tatou ‘au o loo faamanu’alia ae faato’ā iloa i le Aso Faraile pe a faailoa le ‘au o le a taaalo ma Iapani poo ai o loo manunu’a ma o le a lē taaalo.
O le tausaga muamua lenei e pei ona faaalia e le ta’ita’i malaga ua suia ai le faagasologa o lea taamilosaga e pei ona 6 ‘au e pei ona vaevae e ta’itolu i le pulu.
O Fiti o loo umia le siamupini o le Ipu o le Pasefika mai le tausaga na te’a nei, a o tolu ‘au o taaalo i le taamilosaga lea, sa na o Tonga, Samoa ma Fiti.
