Ua lē fiafia le toatele o tagata Tauranga i le faga i luga o le tau e totogi mo fale a le Council.
O le siitaga o tau o fale nei e faapea o loo fuafua e sii mai le 6% i le 138% ma o lea sa faia faatalanoaga e pei ona masani ai auā le tāpā o finagalo o tagata lautele.
O le toatele o tagata e le o fiafia ona o fale nei e pulea e le Council a Tauranga e faamoemoe iai a latou asosi poo kalapu foi mo taaloga, siva ma le tele o faamoemoe ona o le faamāmā avega o le tau e totogi.
Fai mai ai nisi o asosi o se siitaga e ono aafia ai ma le toatele o autaalo e fia tausinio pe ofi atu foi i le se isi laasaga mo le manuia o fanau.
O le siitaga ua ta’u nei e toe fono ai le Council i le aso 19 o le masina lenei e talanoa a o lei aloaia tau fou e totogi mo fale nei a le Council i Tauranga i le uluai aso o le masina a sau.
