E leai se sau i lalo o le tau o le penisini, ma o le a alualu ai pea faapea.
Ua faamauina i totonu o le 4 vaiaso talu ai, o le penisini 91 o lea na alu i luga i le 4.7% lona tau, ma oo ai i le $2.78, o le 98 ua faaopoopo le 5.5% ma ua saofai ai i le silia ma le $3, ae o le tiso ua alu i luga i le 8.6%.
Ua molimau ai le toatele e pei o lea na muta loa le fesoasoani a le malo na maua ai le faamāmā avega i le tau o le penisini, lagona loa le faigata.
Ua sau ai le talosaga e toe faafoi mai le fuel subsidy poo le fesoasoani lenei a le malo, peitai ua manino i saunoaga a le Palemia Chris Hipkins e le o iai se faamoemoe o le malo e toe faia.
Ua tuuaia ai e le National le malo i le tele o lana faaalu lea ua mafua ai ona faatetele le inflation.
Ae mai le Automobile Association, o le aafia o le sapalai mai Saudi Arabia le isi mafuaaga o le alu i luga o le tau o le penisini i le masina talu ai.
