O le umia ai nei e le vaega faaupufai o le Faatuatua i le Atua Samoa ua Tasi o le 35 nofoa ina ua manumalo uma ona sui e toatolu sa tauva i faigapalota laiti i le faaiuga o le vaiaso ua mavae, ua faaalia ai e le taitaifono o lea pati faaupufai le susuga Laauli Leuatea Polataivao Fosi Schmidt, o se aofaiga o nofoa o le a faaaogā lelei e maua ai le lagolago a le faigamalo i totonu o le Palemene e fausia ai faigafaavae ma tulafono mo le manuia o tagata uma.

Ua ia faailoa i se faatalanoaga e tāua le umia e le faigamalo o le lua vae tolu o nofoa e 52 o le paeaiga o iai nei, ae a sili loa ma tele e pei o le paeaiga lona 16 sa umia ai e le faigamalo i lena taimi le 48 nofoa, ua lē lelei.

Se faatalanaoga ma le taitaifono o le pati faaupufai o le Faatuatua i le Atua Samoa ua Tasi le afioga i le Minisita o Faatoaga ma Faigafaiva, susuga Laauli Leuatea Polataivao Fosi Schmidt.