O se itu tāua i le Palemia o le Malo o Samoa le toe tafa o le finagalo o le Peresetene o le atunuu o Kilipati ma ua toe foi atu i le saofaiga a Taitai o le Fono a Malo o le Pasefika.
O le aso 23 ma le 24 o le masina nei o Fepuari e faia ai i Fiti se faatasiga o se retreat, a Taitai o lea fono a le Pasefika e talanoaina ai nisi o mataupu tāua, ma o se faatasiga ua iai le talitonuga o le a auai ma le taitai o le Malo o Kilipati.
Na tapa se finagalo o le tamaitai Palemia le afioga Fiame Naomi Mataafa, o ia o le Minisita o le Va i Fafo, i le tulaga lelei ua toe taoto mai ai lea vala sa tauau e teva ai le galulue faatasi o taitai o atunuu o loo avea ma sui o le Fono a le Pasefika.
Se finagalo o le tamaitai Palemia o Samoa le afioga Fiame Naomi Mataafa, ma ua faamoemoe e auai o ia i le faatasiga a Palemia ma Peresetene o Malo o le Pasefika o le a usuia i Nadi i Fiti i le faaiuga o le vaiaso fou.
