Search
Photo Credit: Al Jazeera

Taua a Isaraelu ma Gaza: e lē o nofonofo lelei taitai o le tele o malo i fuafuaga a Isaraelu

E lē tasi se atunuu ua lapataia Isaraelu e tusa ma ana fuafuaga o le a ia osofaia le taulaga i Saute o Gaza, Rafah, poo le nofoaga o loo faaofiofi ai tagata sulufai Palesitina.

Na faamaonia mai e le sui o le faigamalo a Peretania o le silia ma le ‘afa o tagata Gaza o lea o loo nonofo i Rafah ma i nisi o lipoti pe ā ma le 1.5 miliona tagata Palesitina o loo nonofo ai ma o le toatele o loo nonofo i faleie.

E oo lava foi ia Amerika o lea ua ia lapataia Isaraelu, faatasi ai ma Malo Aufaatasi, o le Iuni a Europa faapea ma Niu Sila, e tauala atu i le minisita o le va i fafo, Winston Peters.

O le faaiuga o le vaiaso na saunoa ai le Palemia o Isaraelu e osofai uma tagata Hamas e oo lava i Rafah, ae ia aveese muamua tagata civilians poo i latou e lē o aofia i le taua.

Peitai ua lipotia e lē o tagata uma e mafai ona aveesea mai le aai lea o loo i le tuaoi ma Aikupito.

E foliga mai e lē o foi lava le Palemia o Isaraelu e ui i le toatele o taitai o malo ua faaalia le popole i le fuafuaga ua faailoa mai.

E ese mai le osofaia o Rafah ua fuafua nei, o lea foi ua teena e le Palemia o Isaraelu le talosaga a le Hamas lea na tuuina mai e taofi pomu ma osofaiga.

Tala sili ona faitaulia

SAMOA UPDATE

TALA FOU MAI SAMOA

Tapunia lala a le ASB 

E 5 lala o le faletupe a le ASB o lea ua tapunia.  O lala i Mangere Bridge i Aukilani, Milford, Wellsford, Waiuku ma Willis

Toaono na pue e leoleo ona o tapaa

E toaono alii mai Vitoria lea ua feta’ua’ina le molia i le asō ona o le taumafai e aumai faasolitulafono sikaleti ma tapaa e miliona

Keep uptodate with Radio Samoa activity & promotion

* indicates required