O loo faatalosagaina le faaauau pea o le polokalame o loo maua fua ai meaai poo lunches a fanau aoga, a o faaopoopo pea le taugata o le tau o meaai.
Fai mai Lisa Te Morenga o le Health Coalition Aotearoa, o se polokalame o loo matuai moomia e mātua e le gata e soifua maloloina ae mautinoa e maua i aso uma o le vaiaso.
O le polokalame lenei o loo manuia ma agavaa ai le tusa ma le 25% o fanau aoga, poo le tusa lea ma le 220,000 fanau, ma i molimau a le toatele o loo talileleia e mātua lenei faamāmāavega.
O le paketi a le malo na faailoa mai i le masina talu ai o loo alu ai le $323.4 miliona e faaauau ai le polokalame seia uma le 2024, ma o le toatele o loo lagolagoina le talosaga ina ia faaauau.
