O le supamaketi a le Countdown ma le iunivesite a Aukilani lea ua faalauiloa le faamalosia le faia o tui puipui o le Koviti

I se pepa o faamatalaga o loo lagolagoina ai e pulega o lea iunivesite faapea le supamaketi le malu puipuia o le komiuniti mai le tui

O tagata galulue uma a le Countdown o lea ua tuu mai le aso 10 o Ianuari o le tausaga fou e tatau ona oo atu iai ua uma tui e lua o tagata faigaluega uma

O loo faamalosia i tagata uma I soo se lala ma soo se tulaga I totonu o le galuega

Ua sau ai foi ma tala o le a iai le piriota o faatalanoaga e faatalanoa ai I latou e le o lagolagoina le tui ae e le I faia se faaiuga mulimuli a le pulega

Mo le Iunivesite a Aukilani, o le aso 4 o Ianuari o le 2022 lea ua tau mai e tatau ona oo atu iai ua uma tui e lua o fanau aoga, o le aufaigaluega ma tagata asiasi

O loo aofia uma ai foi lala a le iunivesite mai lava I Whangarei seia oo mai i Aukilani I saute

O le Countdown e silia ma le 18,000 tagata o loo faafaigaluega ai, ae mo le iunivesite tele a Niu Sila e silia ma le 40,000 fanau aoga