O le masina fou lea ua faamaonia mai ai le mafai lea ona ulufale atu tagata faigaluega i galuega faavaitaimi mai Samoa Tonga ma Vanuatu i totonu o Niu Sila. O lenei fuafuaga ona o le mafai ona saili manuia tagata mai le Pasefika e ala i glauega faavaitaimi.
O le tulaga o le malaga atu i totonu o Niu Sila o le a le manaomia ona faanofoesea (quarantine) seia vagana ua toe foi i o latou atunuu ona faatoa nofoesea aua lava le saogalemu mai le pipisi ai o le faamai oti o le Koviti.
O le filifilia ai o atunuu nei e tolu ona o le talitonuga e le’o aafia Samoa Tonga ma Vanuatu i le koviti e le pei o Fiti ua matua tele lona aafiaga. Na faamaonia mai lenei tulaga e le Palemia o Niu Sila Jacinda Ardern i le aso ananafi ma na faapea o le a fesoasoani lea i le faafituali o le toaititi o tagata faigaluega i vaega o faatoaga i totonu o Niu Sila.
Ua faamaoni mai foi e toa 14,000 le aofai o tagata faigaluega mai le Pasefika lea o le a faimalaga atu i totonu o Niu Sila i le masina fou mo galuega faavaitaimi.
Taua e le ofisa sili o le kamupani Apple and Pears i Niu Sila Allan Pollard le lagona o le fiafia o le a mafai ona maua galuega a tagata pasefika nei e fesoasoani ai i le tamaoaiga o latou aiga o loo faamuli mai i o latou atunuu.
