Fai mai ua tumutumu atu le au faatau i le tatalaina o se tasi o faleoloa aupito tele a le Kmart i Aukilani i Saute i le taeao analeila.

Ua faailoa mai o le Kmart lona lua lea i Niu Sila o le a tatalaina mo le 24 itula tai pei o le kmart i Sylvia Park. 

Faamatala i molimau a nisi i le taeao analeila e lei ‘afa le tolu i le vaveao ae ua laina tagata i fafo ane o le faleoloa ma sa maitauina lea tulaga e le toatele.

O mafuaaga latou te filifili ai i lea foi auaunaga ona fai mai a latou e taugofie ma e talafeagai tonu ma le lu’itau o loo faalogoina e le tele o tagata i lenei vaitau i le taugata o le tau o le soifuaga. 

Fai mai le pule o le faleoloa, Sharlene Goberdhan e 10 tausaga o tau fai mai lenei galuega ma e lagona le faagaeetia ina ua mae’a ma tatalaina mo le komiuniti.

O le Supa Centa i Manukau o loo ua tatalaina ai nei le isi lālā aupito telē lea o le Kmart i Niu Sila.