E tolu vaiaso ma aso o taofia le taule’ale’a lea na maua ua nofo iai le siama o le faama’i Koviti19.
E pei ona silafia o le Aso 9 o Tesema na maua ai i sailiiliga o le pasese e to’a 134 lea na malaga faatasi mai ma lea taule’ale’a ua aafia i le vairusi a’o le Aso 3 o le masina nei o Ianuari n a faatoa tatala ai i tua i lona aiga ina ua maea nisi o suesuega ma maua ai ua vaivai ma faasolo ina mate le siama o le Koviti19 le delta na aafia ai lea alii.
Taua e le Faatonu Sili o le Soifua Maloloina Leausa Dr Take Naseri “O le sailiiliga o le gasegase lea a le alii talavou lea na maua e positive sa toe fai uma lava ana testa ma faamaonia ai ua positive i le Covid. sa ave foi e fai lana genomic profile i Niu Sila ona maua mai ai lea o le variant o le delta. Sa popole ona e vave ona pepesi peitai ane o le ala foi lea o le faatele o tests o le vaa lea ma sa faatumau foi fuafuaga na iai e maea aso e 21 e leai lava sesi o le pasese lautele na aafia lea na faate’a uma ai loa i tua. Sa taofia pea le alii talavou lea i le faaiuga o le masina i le vaitaimi lea na test ai i le Aso 28 o Tesema ua atoa ai le 20 o aso o taofia ua tests faatasi ma isi pasese sa alia’e ai loa ua vaivai le vairus”.
Taua foi e Leausa o isi loa tests na sosoo ai ua maua mai loa ua negative faatoa mafai loa ona tatala i tua i lona aiga. O le taimi atoa na talosia ai lea alii faailoa mai e ripoti e leai ni auga na alia’e mai vaganā ai le taimi muamua na iai lagona fiva o le alii talavou.
O le Aso 3 o Ianuari na te’a ai i tua lea alii ma i le maea ai o aso e 5 na toe auina atu i totonu mo nisi tests ina ia mautinoa ma faamautu ai o loo negative pea le tests a lea alii.
