Ua tatala faatalanoaga o loo tuu mai ai i tagata Aukilani le avanoa e faaleo ai o latou finagalo i le fuafuaga e toe fetuunai ai le saosaoa faatapulaa o taavale.
O le Auckland speed management plan 2024 – 2027 o loo taulai i le faasaoina o soifua o tagata ma fai mai le Auckland Transport e ala i se pepa o faamatalaga o lona manaoga ia lē toe iai se soifua ma’umau poo manu’aga tuga foi ona o faalavelave e mafua mai i le saoasaoa o taavale.
O se teuteuga o loo faapitoa i le saoasaoa faatapulaa o auala o loo lata i aoga a fanau faapea town centres.
A o tatala ai faatalanoaga o nisi o tagata Aukilani e lē o auai i lea suiga ona o le umi ai o le taimi o femalagaa’iga.
O loo tatala lenei faatalanoaga seia oo i le aso 28 o Aokuso, ma o loo iai foi feiloaiga e faia faafesagai e saga faapupula atili ai fuafuaga a le Auckland Transport.
