Search
Search
Photo Credit: ABC Pacific

Tatala aloaia Taaloga lona 17 a le Pasefika i Solomona

Na faatumulia le fia afe o tagata e molimauina le tatala aloaia ai o Taaloga a le Pasefika i le malaetaalo i Honiara i le Atu Solomona i le po anapo e pei ona maimoa ai i faasalalauga i televise aemaise upega tafailagi.

I le saunoaga a le Palemia o Solomona, Manasseh Sogavare na ia faafeiloai ai i autaaalo aemaise o tagata maimoa mai fafo i laueleele o le atunuu.

“O taaloga a le Pasefika o le faailo lea e le gata i taaloga ae o se feau tāua lea i le atinaeina o vaega eseese o le atunuu.

“O le savaliga i tapenaga mo lenei faamoemoe o se talaaga faamauina i le talafaasolopito o le atunuu, i le tele o faafitauli na feagai ai a o lenei ua faataunuuina.

“E faafetaia ai faigapaaga ma nisi o Malo e ala i fesoasoani e lagolagoina ai lenei faamoemoe ina ia saogalemu mea uma a o faagasolo ai mo vaiaso faatulagaina mo taaloga a le Pasefika.”

Na muliai ai le saunoaga a le Palemia e ala lea i se famalosiau mo sui taaalo uma o le a tauva i taaloga.

“Ia lu’iina lou tagata, fiafia ma tutu faatasi auā taualumaga uma o lenei faamoemoe.”

O le ‘au mai lo tatou atunuu na tomua i le solo a autaaalo mai atunuu e 22 o le Pasefika faatasi ai ma Niu Sila ma Ausetalia.

O loo i Solomona foi le Afioga i le Sui Palemia, Afioga Tuala Tevaga Iosefo Ponifasio e tapuaia le alo faiva ai o tamafanau a le atunuu i faagatama eseese o loo tauva ai.

Tala sili ona faitaulia

TALA O TAALOGA

POLOKALAME A LEOLEO

Tala mai samoa

TALA FOU MAI SAMOA

SAMOA UPDATE

PODCASTS

Listen on

FAATALATALANOAGA

Keep uptodate with Radio Samoa activity & promotion

* indicates required