O le Aso Toonai ua mavae lea na faatino ai nisi o faamoemoe tāua a le itumalo o Vaisigano 2 e ala lea i le tatala aloaia o le ofisa o le Fono Faavae a le itumalo faatasi ai ma le faalauiloaina o ana faaeleeleaga i lana uluai seleselega.
Na saunoa le Sui Faipule a le itumalo o le Minisita foi lea a le Matagaluega o le Soifua Maloloina e tusa ai o se otootoga o lenei faamoemoe.
“O le itumalo lenei e lei faaaogāina se isi vaegatupe e ese mai le $200,000 mo le silafia, o le fale e pei ona fausia ou te iloa pau lea o le fale sa fau tonu i le ata na faataoto e le Malo e leai ni ona fegi e leai nisi mea lavelave.
“O le fale lenei atoa ma ona kamuta na faaaluina ai le $88,368 o lona faatotogaina o loo iai kesi ma nofoa e faaaogā e le aufaigaluega ma nisi o vaega na faaaluina ai le $10,000 ma le laufofoga fiafia o le Minisita e tauanau ai ni pa’ū ina ia maua se tau taugofie auā o nei mea uma e taugata.”
O le tauaofai o vaega uma e pei ona ta’ua e le Minisita e aofia ai ma alauni o le augalulue e $131,359 ma o loo totoe ai le seleni i le faletupe auā nisi o vaega e moomia ai e le itumalo.
“O lea ua tino mai le galuega a iai lava se isi o le itumalo e iai ni mataupu e fia fesili ai lea ua iai le ofisa lea e tali ai ou mafatiaga.
“Sagai mai ‘ai o le tai i le tatou itumalo ia o tatou galulue faatasi ma tauaveina atina’e ua faataoto e le Malo ia taulamua le taitai o le itumalo i le faatinoina o vaega e manuia ai le itumalo.”
O lenei faamoemoe na auai nisi o Minisita o le Kapeneta faapea ai ma sui o le Malo e molimauina faamanuiaga ua foai i laueleele o le itumalo.
