O le faalauiloa lenei a le Asosi a i latou e iai le tomai faapitoa i le faatekonolosi e autu i le tāua o faamatalaga ma fesootaiga faaonaponei.

O lenei faamoemoe na saunoa ai le Palemia o Samoa, Afioga Fiame Naomi Mataafa, o auala faatekonolosi e telē lona aogā i le agai i luma o le soifuaga o le atunuu.

“O lenei faalauiloa o loo agai i vaega eseese o atina’e a le atunuu ma ona tagata e ala ia i latou ua iai le tomai ma agavaa i lenei matata o loo faaaogāina i auaunaga a le Malo, pisinisi ma faalapotopotoga tuma’oti aemaise le loaloa o tagatanuu Samoa e aofia ai ma i latou e iai aafiaga tumau.

“O fesoota’iga ‘anoa e lē na o le tuuina atu o le initaneti i tulimanu uma o le atunuu.

“E faatatau i le fausiaina lelei o nei auala faatekonolosi e maua ai ni metotia fou, a’oa’oga ma le faatupuina o le tamaoaiga.”

“A o tatou iai i aso nei, tatou te faafetaia nisi o tagata taitoatasi, pisinisi ma faalapotopotoga o loo faaaogāina auala faatekonolosi i le agai i luma o nei tomai ma lona faaaogāina.

“O nei vaega uma e silasila lea i le aoaoina o nei tomai ina ia faatupulaia le fuainumera o tagata e faaaogāina i totonu o nisi o galuega tetele a le Malo mo lona tamaoaiga.

“O le naunautaiga foi ia galulue faatasi le Matagaluega o Fesootaiga ma faamatalaga faatekonolosi ina ia mafai ona faasopolia nuu ma afioaga i tua i le lelei o auaunaga faainitaneti e pei ona maua e o tatou tagata nofo latalata i le taulaga.”

O sui o Matagaluega a le Malo, pisinisi ma faalapotopotoga tuma’oti, o fanau aoga ma i latou o loo maua le avanoa sa auai ai i lenei polokalame.

O le faamoemoe lenei na faatino muamua i le tausaga ua mavae.