nz police

Tapunia le vaega taofia ole ofisa o leoleo ina ua faamaonia se tamaitai ua aafia ile Koviti 19

O se tasi o vaega tele o le auaunaga a leoleo e taofia ai tagata ua tapunia faamalosi ina ua faailoa o se tamaitai sa taofia ai I le vaiaso talu ai ua faamaonia le aafia I le koviti 19. Taua e le Herald o le taimi nei o tagata uma e pue e leoleo I le itumalo o Waitemata lea e aofia ai Waitakere ma North Shore o le a auina agai I le ofisa o leoleo I le aai I Aukilani.

E iai leoleo o loo ua faanofoesea I le taimi nei ona o le tulaga e pei ona lipotia ma o loo faatalia le iuga o siaki na faia. Taua I le lipoti le faamaonia ane e nisi o le tamaitai sa pueina e leoleo I le aso Tofi talu ai ma sa iai mo sina taimi I le ofisa o leoleo I Mairangi Bay ma ave ane ai I le custody unit I Henderson.

Faamaonia mai e se sui o le ofisa o leoleo I Waitemata e moni o lea ua tapunia le tumau le vaega lea o le ofisa ao faatalia suesuega o loo faagasolo, ae o le tamaitai o loo autu iai le lipoti na mafua ona pue e leoleo ona o le solia o aiaiga o lona tatala ai I tua ma moliaga faatatau I le lima tagovale.

E oo atu I le 10 malu o le malo o loo ua faanofoesea mo le 14 aso ile taimi nei ma faatalia iuga o siaki na faia ae ua maea ona faamamaina le potu sa taofia ai le tamaitai.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required