Ua tapunia auaunaga masani a le ofisa o le komisi o Faiga Palota i lona nofoaga autū i Mulinuu ma lona ofisa i Salelologa i Savai’i ona ua galulue uma le aufaigaluega e aofia ai ma le Komesina i le faatautaia o palota lāiti a Vaimauga 3 ma Falealili 1 i le Aso Faraile o lenei vaiaso.
O ia faiga filifiliga na amata i le Aso Lulu i le palota muamua lea sa palota muamua ai ē e lē mafai ona gafatia le oo atu i le Aso Faraile o le palota laitiiti ona e faigaluega, ma malaga i atunuu mamao, aemaise o matua tausi e lē manaomia le umi o se taimi e faatalitali ai ona o le matua o le soifua.
O le Aso To’ona’i le faitauga aloa’ia ma maua ai le faai’uga aloa’ia. O le taeao o lenei Aso Faraile ua tatala ai falepalota mo ia palota lāiti e lua. O le Aso Gafua asau e toe tatala ai Ofisa o Faiga Palota i Upolu ma Savai’i mo ana auaunaga masani.
Comments
Loading comments…