Na tapunia faafuasei se tasi o aoga tulagalua i Aukilani ananafi ona o le sauniga o le maliu o le sui o le kegi.
O lea ua faamautinoa mai e leoleo e leai se isi itu e faapopoleina ai ma o le lockdown foi sa iai le aoga a St John the Evangelist Catholic School i Otara ananafi o se faaiuga na faia lava e le aoga i le lata ai i le tuua o le aoga ona o le popolega i le saogalemu o le fanau.
O le latalata i le itula e tolu na faatonuina ai e le aoga mātua e tusa ma le tapunia o le aoga ona o loo poloka e sui o kegi le nofoaga e piki ai fanau.
O lea foi ua faamautinoa mai e leoleo na oo atu i le ofisa ma o lea foi na tali atu i lipoti o le faatupu vevesi na tulai mai Otara Rd i le aoauli ananafi.
E leai se tala tele mai le aoga e tusa ma lipoti a le Stuff, ae mai leoleo e lei toe iai nisi lipoti e faapopoleina ai mātua ma fanau.
