Ua tapunia lē tumau le malae autu o taaloga i le Apia Park ae se’i toe faia galuega e faaleleia ai le malae e mafua i timuga i le po o le Aso Toonai na tea nei, ma le tumutumu o tagata sa auai i le koneseti pese o le Samoa Motherland.
O nisi o vaega o le malae na matua afaina i le soli e le au maimoa a o palasi timuga ma faaletonu ai, ma ua avea lea ma se tasi o mafuaaga o le toe fetuunai o malae e faia ai le taamilosaga lakapi taitoafitu a le kalapu o le Malisi o loo faatulaga mo le faaiuga o le vaiaso nei.
O lea ua lipotia le ono sii atu o taaloga o le taamilosaga e faia a lē o le malae taalo a le Malisi i Lotopa o le malae a le Kolisi o Sagato Iosefo i Alafua.
O aulakapi mai Niu Sila, Ausetalia, Fiti ma Amerika Samoa ma Samoa o loo faatulaga e auai.
