Ua tāpā ai nei e le malo e ala mai i le Matāgaluega a le Palemia ma le Kapeneta se fesoasoani a le faalapotopotoga o tusitala ma le ‘aufaasalalau a Samoa i se taumafaiga e tapena se ta’iala e faatomu folau ai feiloa’iga a sui o le malo ma ofisa faasalalau.
Ua talosagaina ai e le pulega o lea matāgaluega a le malo se finagalo o le Pelesetene ma le faalapotopotoga o le JAWS, le Journalists Association of Samoa e ala i se feiloa’iga e faatalanoa ai le fuafuaga o se avanoa e avatu ai se finagalo o sui o le faalapotopotoga e fesoasoani ai i le fausia o lea ta’iala poo le Government Media Guide.
I le galuega faatusitala ma faasalalau i Samoa ua taoto lana ta’iala ua limata’ita’iina ai le faatinoga o le latou galuega poo le Media Code of Practice ma le Code of Ethics.
O se ta’iala e lē soona sosopo ai le faatinoga o lea auaunaga ma tomai ua a’oa’oina i le Iunivesite aoao a Samoa.
