Ua malilie fuimu e taofi tetee o totoe a o faatali le aloaiaina o le maliega ua ausia mo totogi lelei.
O le amataga o le masina o Aokuso faasolo mai i le vaiaso talu ai lea na faia ai tetee a sui o le ofisa o tineimu, peitai i se faasalalauga na tuuina mai ananafi ua faamaonia ai o lea ua maua le leleiga ma ua malilie le iuni a le New Zealand Professional Firefighters ma le pulega e agai i luma.
O se maliega foi o lea na iai faatasi ma le faafaufautua i le va o itu e lua, ma ua sau ai ma le tala ua taofia lē tumau nisi solo tetee na fuafua e faia.
O le taofia lē tumau ai, ua faia a o faatasi le aso 30 o le masina lenei e aloaia ai le suiga ua malilie iai.
O se maliega foi ua sau ai ma le faaiuga a le pulega o le a toe faaui i tua lana talosaga na tuuina atu i le pulega o loo iloiloina mataupu tau galuega i lalo o le vaaiga a le tulafono, poo le Employment Relations Authority.
