O tagata e toatolu ia na tafana e se tagata i Sini o loo taofia pea i maota gasegase ma o le isi e tigaina ma ua lipotia o loo faaaogā le masini faamanava a le falemai.

O loo sue nei e leoleo le tagata na faatinoa lea solitulafono.

Fai mai na ia tafana alii ia e toalua ma se tamaitai sa i totonu o a latou taavale i Mayvic St i Greenacre i le vaveao o le Aso Sa.

Fai mai le 9News e talitonuina sa fuafuaina lenei osofaiga ae leai se sootaga i kegi. 

Na togafitia e paramedics i latou na aafia, o se alii 25 tausaga, o le isi e 22 tausaga ma le tamaitai e 19 tausaga e ese le taavale na iai.

Fai mai leoleo o se solitulafono ogaoga lenei ma o loo faaaogā foi meafaigaluega uma a le matagaluega mo le faatinoina o suesuega.