O loo iai se faatuai ua lipotia i i le malaevaalele i Melepone ona o se mataupu e aafia ai le security screening process a le malaevaalele, le vaega e siaki ai pasese.
Fai mai lipoti e iai se pasese na sailia ma toe faia le siaki lea ina ua sao ma pasi ese ma sekulati ae lei faia le siaki.
O le mataupu lea e aafia ai le vaega o pasese a le Qantas ma taofia uma ai lē tumau faigamalaga i totonu o le atunuu i le taeao ananafi.
Fai mai le Qantas o le pasese na aofia i le mataupu lea e mafua mai i se sese lava faaletagata ma ina ua mae’a ona mataituina le faaletonu sa sailia ai e le aufaigaluega meapueata a le CCTV mo le sailia o le tagata lea ma toe faatino ai tulaga e manaomia ona faatino.
O le molimau a se tasi tagata malaga mai le malaevaalele lea i Melepone na ia ta’ua ai e 45 minute na faatuai ai le latou malaga ina ua iloa le faaletonu lea ma tapunia uma ai gates a le Qantas.
Na taofia uma vaalele sa i luga o le tarmac ae faataamilomilo foi vaalele sa i le ea i luga ane o le malaevaalele i le taimi lea seia oo ina kilia le breach poo le solia lea o tulaga tau le puipuiga.
Fai mai e faitau selau tagata sa aafia ai i faigamalaga na faatuai e mafua mai i lea tulaga.
