Faamaonia i lipoti le to’atele o leoleo na faanatinati atu i Great North Road i Avondale ona o se matāupu na tula’i mai i le aoauli o le Aso Lua o lenei vaiaso, ina ua māua le mata’utia o ni manu’aga ua aafia ai se tagata.
E faamaonia e to’alua alii ua taofia faapagota nei e leoleo.
O le tasi o alii, e 28 tausaga le matua; ua molia nei i le moliaga o le faatupuina o manu’aga ma le faamoemoe e faaoo ai manu’aga ogaoga i le tino poo le wounding with intent to cause grievous bodily harm.
Ae o le tasi alii e 31 tausaga le matua, ua molia nei i le moliaga o le osofa’iga taatele poo le common assault i le gagana Peretania.
Na avatu lē na aafia i le falema’i o Middlemore mo togafitiga, ae na faaalia e leoleo, mai a latou sa’ili’iliga i le matāupu e masani lelei i latou nei o loo aafia ai.
Ua faaalia le faatautaia ai o sa’ili’iliga ma su’esu’ega i vaega ma itu uma o le māfua’aga o le tula’i mai o lenei osofa’iga o le faaoo manu’a.
Puna o Faamatalaga: https://www.rnz.co.nz/news/national/577798/police-swarm-auckland-suburb-one-seriously-injured
