I se lipoti lata mai i suesuega a le Immigration i faiga taufaavalea o lea ua faailoa i le RNZ ile aso o tagata e toa 10 lea na aafia i faiga taufaavalea ua totogi ai tupe mo visa o galuega i niusila nei ae malaga mai e leai ni galuega, ua taofia nei i latou i tuaoi o le atunuu ma toe faafoi, atoa ai ma leisi toa 200 o isi ua logo iai e aua le malaga mai i NIu Sila.
O i latou ia na folafola iai galuega mai falefaigaluega lea ua suesue nei e le Immigration ma e aofia ai ma tulaga faapea o loo aafia ai nai tagata faigaluega na malaga ane mai Initia ma Bangladesh.
Ua lua nei vaiaso talu ona maua i latou ia o faapotopoto i ni fale ua tuutuu ai i aukilani ae ua leai ni galuega, leai ma ni tupe.
O lea la ua taofia le toe agai mai o i latou nei i le atunuu ao faagasolo le suesuega i tagata na faatulagaina atu galuega ma le faia o visa mo nai ia tagata.
