A o lumanai ai nei le toe amatalia o galuega a le faamasinoga i le tagofia ma le suesueina o mataupu e le gata i le faamasinoga o soligatulafono, ae o le faamasinoga o fanua ma suafa, o le Aso Faraile o le vaiaso nei 13 o Ianuari o le a faatino ai le sauniga lotu faapitoa masani e talosia ai galuega a le faamasinoga mo lenei tausaga.

O se sauniga foi o le a faatagisia ai le galuega lilo a le Agaga Paia e tauto’aluaina tiutefai o alii ma tamaitai faamasino, ina ia faia le galuega i le amiotonu, le faimea tonu ma ia le faaitu’au.

O le afioga i le sui aki epikopo le afioga Patele Pio Galumalemana o le a taitai i le sauniga ae o le aufaigaluega a le matagaluega o faamasinoga ma le faafoeina o mataupu tau faamasinoga o le a peseina viiga o le Atua.

O le saunoaga mai le afioga i le Faamasino Sili, le afioga Satiu Simativa Perese o le a taualuga iai le sauniga lotu faapitoa.