Ua faatalosagaina tagata Aukilani o loo nonofo i le itu i Sisifo e faasoa lelei ma faaitiitia le suavai faaaoga i le vaiaso nei.
O aafiaga o lologa na iai mai le Watercare ua lapatai mai ai i tagata o loo nonofo i Titirangi, Konini, Oratia ma se vaega o Glen Eden ina ia faasoa lelei le suavai.
Ona o le faaopoopo o tagata ua agai atu i lea itu o Aukilani, ua vaaia ai foi ma le vave o le faaaoga o le suavai lea o loo sau mai le faatanoa i Montana, ma ua iai nei le popolega i le ono aafia o le sapalai.
O le talosaga mai le Watercare, e mafai ona faasoa lelei le suavai e ala i le tuuitiitia o taimi e faamalu ai, ia mautinoa o loo tape le ki o le paipa pe afai e le o faaaogaina, siaki pe e le o iai ni liki i paipa o loo i fafo, atoa ai ma le faamautinoa o loo lelei ona faasoa e tagata uma o lou aiga le suavai.
