Ua tuuina mai nei se talosaga a le Auaunaga a leoleo i le mamalu lautele, o se fesoasoani i lo latou galuega tau sa’ili; o tagata poo ē na aafia i le matāupu na alia’e mai i le vaveao o le Aso Sa i le auala o Karangahape Rd i le amataga o lenei vaiaso.
Ua faamauina i lipoti mai le leitio faavaomalo a Niu Sila, na valaau ane le Ofisa o Faalavelave Tutupu Faafuase’i mo se fesoasoani poo le toe 19 minute i le itula e 4 i le vaveao o le Aso Sa, ina ia taumafai e vaovao ma faata’ape le to’atele e silia ma le 50 o i latou sa molimauina le vevesi.
Ta’ua i lipoti, le to’atele o sui o malu o malo na tali atu i lea matāupu, e aofia ai ma ta’ifau sosogi, dog units.
Ma e māua e to’atolu alii na aafia ma tūgā manu’aga mai faaoogalima sa faatino e nisi mai lenei vevesi tele; e maitauina e eseese faaitu na tupu ai ia gaioiga.
I lipoti, e faapea o le tasi o tagata na aafia i fafo ane o le falepapu o le Crown Bar i Queen Street, o le isi i Cobden Street ma le isi i le pamu penisini – Mobil service station i faaitu o Karangahape ma Ponsonby.
E to’afā tagata na pu’e ma taofia faapagota e leoleo, ma e māua e 21 tausaga o se alii e tula’i i luma o le Faamasinoga Faaitumalo o Aukilani i le Aso Gafua, o loo molia i le faao’o manu’a tūga.
Faailoa e leoleo e to’alua nisi tagata o loo sa’ilia i le taimi nei, ma o loo talosagaina i latou na iloa pe na molimauina lea vevesi, e aofia ai ma ē o iai ni ata na pu’e o lea matāupu, ina ia faafesoota’i atu le ofisa.
Puna o Faamatalaga: https://www.rnz.co.nz/news/national/582791/police-ask-for-help-finding-people-behind-mass-disorder-on-auckland-s-karangahape-road
