Ua faatalosaga sui o komiuniti mai nuu i tua agai i le malo se’i fesoasoani atu i le sii i luga o tau a le falemeli ua faailoa mai.
O le aso muamua o le masina fou lea ua faailoa mai e le New Zealand Post o le a sii ai tau e momoli ai meli i nuu i tua.
I se pepa o faamatalaga na aumai e le NZ Post i le masina o Mati o loo faamatala mai ai le mafuaaga ua mafaufau ai e sii le tau e ave ai meli i nuu i tua.
E le o nofonofo ai le Rural Women ma lana asosi ma o lea ua tusi ai i le malo e onaina le NZ Post se’i toe tagatagai ane iai, ma i lea tusi o loo faamatalatala ai le leai o se avanoa tutusa pe a sii tau o auaunaga nei.
O le finau a le asosi o loo tu mo tagata matutua, pisinisi i nuu i tua faapea tagata taitoatasi.
