O le tamā 69 tausaga lea o loo molia nei i se faalavelave na tulai mai i le afioaga o Afega i le tausaga fou o le 2021 lea o loo masalomia lona faaoo ai o le oti i nisi tamā se to’alua o le afioaga ua talosaga nei mo se toe iloiloga o le tatala ai o ia i tua ina ia mafai ona malaga i atunuu i fafo.
O le talosaga ai o Faalavaau Lupematasila Tai’i Vaotuua Auleoleo Neemia Pologa ina ia mafai ona Malaga i Ausetalia e asi lona to’alua ma lana fanau.
Ta’ua e lipoti a le Samoa Global News o le auupega malosi o le ituaiga o le low-calibre 22millimetre e masalomia na faaaogā e Faalavaau e tafaga ai isi tamā e to’alua i luma o latou aiga ma le afioaga.
O lē na maliliu o le tamā ia Elisara Lole Fata ma le tamā ia Fata Utufua Fata. Ta’ua e nisi na iai i le
taimi na tulai mai ai le faalavelave na matuā faate’ia le to’atele ina ua faatino e Faalavaau lea gaioiga.
Ua mae’a ona faatino e aiga o Faalavaau ifoga i aiga o tamā e to’alua ua maliliu ma o le a iloilo le
talosaga i se taimi o i luma ae mo le taimi nei o loo tatala i tua lea tamā i lalo o aiaiga o le saini i vaiaso uma i le Ofisa o leoleo ma le aua ne’i nofo latalata ane i le afioaga o Afega.
