Ua faaali manatu a le Ofisa o le Malo Aufaatasi le United Nations ma talosagaina ai taitai uma o Samoa ina ia fai loa se iuga i le faafitauli ua tulai mai i le maea ai ona faatautō se palemia fou ae o loo iai le isi Palemia faaauau le tumau.

I se pepa o faamatalaga i le taeao nei mai le sooupu a le Failatusi Aoao a Malo Aufaatasi Stephane Dujarric na ia taua ai , talu mai lava le faigapalota i le Aso 9 o Aperila na matau lelei e le pule faatonu Antonio Guterres gaioiga uma o le faigapalota a Samoa

Na ia fautaina ai taitai o le Malo “ ua tatau ona saili se faaiuga talafeagai e fofo ai le faafituali i mataupu tau polokiki ua tulai mai nei, se faaiuga e autasi uma iai le atunuu ma ona faalapotoptoga”

Taua e Antonio ua nofo sauni le malo aufaatasi e tuu atu le tauau fesoasoani ia Samoa pe a fai ae manaomia mai e taitai o vaega faaupufai e lua , le HRPP ma le FAST

Ae le gata i lea ua faalia foi lagolago a le Malo a le Federated States of Micronesia i le faigamalo fou lea na faatautō i le afiafi ananafi taitai e le afioga ia Fiame Naomi Mataafa ma na taua e le Peresetene ia David Panuelo e taua le faaali o le lagolago i a latou uso tuaoi o Samoa”