Ua ave faamalosi a le Palemia filifilia Fiame Naomi Mataafa i le atunuu ina ia mau pea le toovae ma lavapapale a’o tau saili ai se fofo o le faafitauli o loo tulai mai i faigaupufai o le malo o Samoa.
E pei ona silafia o le Aso Gafua o le vaiaso nei lea na fai ai se feiloaiga a taitai o vaega e lua le HRPP ma le FAST ma i lea feiloaiga e le’i iai se iuga na autasi uma iai Tuilaepa ma Fiame.
Taua e Fiame i sana faatalatalanoaga e malamalama lelei i le tigā ma le lē mautonu o loo iai tagata e le gata i Samoa ae faapea le lalolagi atoa i le taimi nei ona o le leai lava o se faaiuga tonu.
“I get the sense the people are frustrated and my political colleagues feel that way as well, they somehow feel that there is a lot of pressure from the public and that everyone wants an answer”
Faailoa foi e Fiame “ o loo taumafai lava Tuilaepa e faatuai le faagasologa o le agai atu i totonu o le Malo fou, ma poo le a lava le umi e finau pea le FAST i auala o le tulafono ina ia tulai mai ai se faigamalo mautū”
O loo tausisi pea Fiame ua manino le latou manumalo e tusa ai ma le faaiuga a le faamasinoga ma faatumauina ai le aofai e 26 le FAST ae 25 le HRPP.
