Ua faaalia e le palemia o Niu Sila Jacinta Adern ua ia talosagaina le matagaluega o le va I fafo ina ia silasila I le mataupu ua faailoa mai ile vaiaso nei e faapea na fesoasoani le kamupani vaalele a le Ea Niu Sila ile navy a Saudi Arabia.
O lipoti a le televise a niusila e pei ona faasalalauina foi I le stuff ile vaiaso nei o loo taua ai na iai ni galuega na fesoasoani ai se vaega a le Ea NiuSila i vaa a le Navy a Saudi Arabia.
O le taimi nei o loo faamamalu se poloka a le Navy a lea atunuu I luga o le atunuu o Yemen ua taofia ai taumafa ma vailaau ma fualaau mo togafitiga ona oo atu I nisi vaega o le atunuu.
Ole aso Sa na maua ai e le palemia ni faamatalaga e faatatau ile mataupu lea ina ua faia atu se talosaga mai nisi ole au faasalalau ma ua faaailoa ai e le palemia e le talafeagai lea tulaga pe a faamaonia ma ole ala lea ua talosagaina ai le Matagaluega o le va I fafo ma fefaatauaiga ina ia faia se suesuega I le mataupu.
O loo faatalia nei la le suesuega o lenei mataupu poo ua iai se vaega ua solia ai aiaiga ma tuutuuga I galuega a le kamupani vaalele lea e umia se vaegatele e le malo o Niu Sila.
