Ua faailoa e le Tamaitai Minisita o le Matagaluega o Tina ma Tamaitai Atinae o Afioaga ma Aga Fesootai ia Mulipola Anarosa Ale Molioo, le talia ai e le komiti galue o le Poloketi o le Iugafono Tusitusia a le Fono Faavae a Faasaleleaga 5 na oo atu ma le manaoga ia aveesea Peseta Vaifou Tevaga ma Taitaifono o le Fono Faavae a lea itumalo.
E lei faailoa poo ā mafuaaga ae na faailoa e Mulipola e tele mafuaaga sa tuuina atu i le tusi.
O loo ta’ua foi ina ua tauaaoina lea mataupu sa tuuina atu loa i le Komiti Galue e talanoaina ai ma talia ai loa le manaoga o le Fono Faavae a Faasaleleaga 5.
E lei mamao atu nei na sainia ai le 150,000 a lea itumalo ina ua mae’a ai nisi o mataupu sa to’a ai la latou poloketi peitai o lea ua oo atu le Fono Faavae ina ia aveesea la latou taitaifono ma le komiti.
E lei faamanino mai foi e le Tamaitai Minisita le ono aafia ai o le taiala i lea tulaga e pei ona silafia o le taiala o le Poloketi o le Sui faipule o se itumalo o le Taitaifono lea i le Fono faavae o le Komiti o le Poloketi tasi miliona tala.
