O le faigamalaga a le afioga Ie Fofoga Fetalai o le Palemene ma nisi o sui Faipule o le Malo Tutoatasi o Samoa i se fonotaga e talimalo ai le Palemene o Niu Sila, ua mafai ona malaga ai ma le sui Faipule o Salega Tasi, le afioga Fepuleai Faimata Su’a, ina ua talia e le faamasinoga le talosaga a lana loia, mo se faatagaga e malaga ese ai ma le atunuu.
Ua mafua lea talosaga ona o aiaiga a le faamasinoga o loo tatala ai i tua le sui Faipule, lea o loo taofia ai lona tusifolau ma pepa malaga.
E lei teena e le loia a leoleo le talosaga i se faatagaga e malaga ese ai ma le atunuu le afioga Fepulea’i.
Sa faamautu atili le malaga o le sui Faipule i lea faigamalaga i sona finagalo faalauaitele i luga o upega tafailagi.
Le sui Faipule o Salega Tasi, afioga Fepulea’i Faimata Su’a.
