Ua talia ma le atoatoa e le faipule o Anoamaa Numera 2 le tofa Lauofo Nuafesili Fonotoe Pierre Meredith, le faaiuga a le Palemene i teuteuga ua faia i ni vaega o Tulafono Tumau a le Fono Aoao Faitulafono, ua avea ai o ia ma taitai o le itu faaupufai e puipuia aiātatau a tagata o loo agaia le Malo, e tauave ai le tofiga taitai o le Itu agai, i totonu o le Palemene.
E mafua i le faasalaga 2 tausaga ua faamalolo le tumau ai tiute faafaipule o le sui usufono o le itumalo palota o Lepa o le taitai o le vaega e puipuia aiātatau a tagata le susuga Tuilaepa L Sailele Malielegaoi.
O le pasia ai e le fono aoao o teuteuga o Tulafono tumau, ua agavaa ai ma le sui taitai o le pati faaupufai o le HRPP na te maua faamanuiaga tau totogi ma alauni o le taitai o le Itu agai, ma ia faaaoga foi le taavale a le Malo ua aiaia faaletulafono.
Se vaega o le saunoaga i le maota fono a le tofa Lauofo Nuafesili Fonotoe Pierre Meredith ina ua ia talia le see atu e avea ma taitai o le Itu agai.
