O le toe lima minute le 12 i le aoauli nei na tali atu ai auaunaga o faalavelave faafuasei i ripoti e faatatau i se vaalele laititi (microlight aircraft) na pa’ū i Taranaki. 

I ripoti a le NZ Herald na faailoa ai e leoleo na faafesootai atu i latou i se vaalele laititi na pa’ū i le taeao nei i Stanford ma ua tapunia ai nei le auala i Flint Rd a o faagasolo ai galuega o faalavelave faafuasei. 

E le o faamaonia mai pe e iai nisi na aafia i lenei faalavelave ma ua faailoa foi e leoleo o soo se tala lata mai o lenei mataupu o le a faailoa i se taimi o i luma.