Tala I tua Kiwisaver mo pili ma meaai, ao nisi e mo uluai fale faatau

O le toatele o I latou na faatalosaga e toe tala I tua Kiwisaver sa faia lea mo le totogiina o fale ma meaai

I totonu o le tausaga faauma ia Mati, e 41% na faaopoopo ai le fuainumera o talosaga e toe fia vave tala I tua Kiwisaver ona o tulaga faigata o le utiuti o le faasoa

O se faaopoopoga lea mai le $112 miliona I le $157 miliona

Molimau a Ronji Tanielu o le Salvation Army, e le gata o le toatele o tagata mai soo se itu, ae o le toatele ua malilie lava e faataatia ese le lumanai ma le faapogai o le Kiwisaver, ae tala mai I tua e totogi ai fale, meaai ma manaoga mo le taimi nei o loo moomia vave ai le tupe

Peitai I le itu ua molimau Kate Reddington o le sorted.co.nz, o le toatele na toe tala I tua Kiwisaver e mo o latou uluai fale faatau

O se le paleni ua molimau ai Brad Olsen o se tasi o tagata suesue e iai le tomai I le maketi o tupe, o I ua atagia ai le tele o le vavaeeseina o loo iai I Niu Sila, o nisi o loo gafatia le maketi o fale, maua aseta ma toe faatau atu, ao nisi o loo faigata ona faasoa pili mai le isi aso agai I le isi

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required