E ono oo i le 4 tausaga faato’ā mafai ona toe faia ni faiga palota i Suria, o le faamatalaga lea mai le ta’ita’i o le Rebel Ahmed al Sharaa i sana faatalanoaga ua faasalalauina.
O le ulua’i taimi lea ua faaāta mai ai e Sharaa le tulaga lea i se taimi vave e ono faia ai se palota a le atunuu.
Na ia ta’ua foi o le tusia o se isi faavae fou o le a alu ai le 3 tausaga ma e ono oo i le tausaga, faato’ā vaaia e Suria ni suiga tetele ma ni mea ua faaleleia i auaunaga lautele i le mae’a o le faato’ilaloina o le faigamalo a Assad.
Fai mai Sharaa i le BBC e mana’omia le toe fausia o le tulaga tau le tulafono a le atunuu ma e mana’omia ai foi le faia o se tusigaigoa.
E tele ituaiga kulupu o tagata i Suria, e aofia ai Kurds, Armenian, Assyrians, tagata Kerisiano ma isi ma ua folafola e le kulupu a le alii ta’ita’i o le a o latou puipuia aiātatau a tagata Suria ma lo latou sa’olotoga.
Puna o Faamatalaga: https://www.bbc.com/news/articles/c4g29e1lejvo
