O se fuafuaga e suia ai le matata o le faifaiva, e avea ai o se auaunaga e tele ni polofiti e maua mai ai e aunoa ma le manaomia o le pueina o se aofaiga tele o i’a, ua faalauiloa nei e le malo i le vaiaso nei.
I Nelson ua saunoa ai le minisita o faigafaiva o Rachel Brooking ma faalauiloa ai le Transformation Plan lea e faailoa mai ai se vision mo le faia o mea se isi faiga fou i le lumanai.
Fai mai le minisita o loo latou puipuia le vasa mo tupulaga i le lumanai e ala i le faapaleniina o mea ma faamautinoa se tulaga lelei o taumafa e maua mai le sami ma mafai ona lavasaia aafiaga o suiga o le tau.
Fai mai le sui o le Greenpeace Aotearoa o Ellie Hooper e faanoanoa e le o aofia mai i le fuafuaga lea nisi o mea ua leva ona finauina e nisi kulupu tau le siosiomaga.
