Ua siitia nei i moliaga o le fasioti tagata, moliaga ua faaoo nei i le alii e 23 tausaga o loo feta’ua’ina na lavea ai le malu o le malo i lana taavale ma toso atu ai lava e le taavale.

O sia alii leoleo o Anthony Woods na maliu lava i le falemai mai ona manu’aga.

Sa muai molia le 23 tausaga lea o Reagan Ainsley Chown i moliaga e ese mai le fasioti tagata peitai o le taeao analeila ua toe suia ai moliaga i le fasioti tagata.

Ua faailoa foi e le aiga o si leoleo ua maliu i se pepa o faamatalaga tusitusia, ua matuai lagona lo latou mafatia i lenei faalavelave.

Na o latou ta’ua o le a manatua pea Anthony o se tagata malie, e galue malosi ma e fiafia e mafuta ma nai ana uo.