Ua faamaonia mai e leoleo i le aai o Uppsala i Sweden poo Suetena, e to’atolu tagata ua fasiotia i se faalavelave na faaaogā ai ni fana i lea aai.
Fai mai e lata ane le nofoaga na tupu ai le faalavelave i le ogatotonu o lea aai ma ua ta’ua e molimau na sola ese le tagata na tafanaina i latou ua maliliu, na sola ese i se scooter ma o loo tau sa’ilia pea e oo mai i le taimi nei.
Fai mai ua tupu tonu lea faalavelave i le taimi o loo tumutumu ai tagata i lea faaitu mo se festival o loo faia ai, Walpurgis Spring Festival e masani ona aga’i ane ai le to’atele i le itu i Matu o le laumua o Stockholm lea foi e silafia e le to’atele ona iunivesite.
Na faamatala e se tasi molimau, o ia sa faalogoina le pā pā ane o fana mai le magāala i le taulaga ae faate’ia i le vaaia o le to’atele o leoleo ua tumutumu atu i lea faaitu faapea ma taavale a le falema’i.
O loo faagasolo le sa’iliga o le tagata na faatupuina le faalavelave ma ua faasāina foi lea nofoaga, ua taofia ma le feoa’i o trains i le faaitu lea a o faia su’esu’ega.
E lē o faailoa maia i latou ua maliliu ma e leai foi ni faamatalaga e tele o iloa e faatatau i le tagata o loo sa’ilia.
Puna o Faamatalaga: https://www.bbc.com/news/articles/cr4n9x3yyq5o
