E le taumate o le a iai nisi moliaga faaopoopo e faia i le mataupu na tulai mai ai se vevesi i fafo ane o se nofoaga i Saute i Sisifo o Sini sa fuafua e faia ai se tautalaga a le taitai o le pati a le One Nation o Mark Latham.

O le faamatalaga mai le taitai leoleo o Sheridan Waldau ua ta’ua ai o le vesiga lea ananafi na tupu ina ua agai ane tagata i se sauniga na faia i se lotu i Belfield ae faapea o loo feta’ua’ina na osofaia ai e se kulupu o tagata tetee. 

Fai mai le 9News pe ā ma le toa 15 tagata tetee na auai i le faamoemoe lea i Belfield ae faitau selau le aulagolago a le One Nation.

Na ta’ua e leoleo o tagata na ioeina lava lo latou auai i le faamoemoe sa filemu lava peitai o le vaega toatele lea na agai ane na faifai tetele ai le mataupu ae manatu leoleo o le kulupu toatele lea na agai uma atu e auai i le lotu sa faia.

O molimau a nisi na iai sa ta’ua ai le fefefe i le taimi o le vevesi ma faaoolima atu tagata ia i latou.

E iai nisi ua molia ae o loo silasila foi leoleo i ata o le vevesi lea e saili mai ai i latou na amataina nei uiga le manuia. O loo faaauau pea suesuega.