O loo faia nei se suesuega i se kamupani Ausetalia latou te faafaigaluegaina tagata i galuega leipa ona o tuuaiga e faapea o tagata faigaluega Pasefika o loo faafaigaluega i faatoaga i Kuiniselani ua leai ni sifi e tuuina iai ma ua oo ai nisi i tulaga ua leai ni fale e nonofo ai ma leai ni tupe e talafo i aiga.
O le lipoti a le ABC ua faailoa ai o le komesina o sulufaiga a le Fair Work ma le matagaluega o Galuega ua faia nei ni a latou suesuega i le mataupu lea e aofia ai le kamupani o le Linx Employment.
Fai mai le Australian Workers Union (AWU) pe ā ma le 190 tagata faigauega mai vaega eseese o le atunuu ua faaoo atu faaseā e faatatau i le kamupani lea a le Linx Employment.
Fai mai ia tagata faigaluega e pei ona faailoa i le lipoti ua faamata’u atu i latou i le faaleaogaina o o latou visa e le kamupani ae ua faaletonu lava tulaga o mea o loo nonofo ai, o nisi ua fiu foi i aiga ae ua leai ni tupe e totogi ai flights.
E le o iai se tali a le kamupani lea i le fesootai atu o le ABC i le mataupu lea.
